Niepryznany złodziej u zakonie Valet trapiŭ u komu paśla bojki sa švahram
Valet druhi sprava, primecrime.ru
Biełaruski niepryznany złodziej u zakonie Valancin Hančaronak, viadomy ŭ kryminalnych kołach jak Valet, trapiŭ u komu paśla źbićcia švahram. Pra heta paviedamlaje vydańnie «Prajm Krajm».
Da bojki pamiž Valetam i mužam jaho siastry pryviała svarka na pabytovaj hlebie. Ad atrymanych pabojaŭ aŭtarytet trapiŭ u komu. Jaho stan miedyki aceńvajuć jak vielmi ciažki.
Valancin Hančaronak pačaŭ nazyvać siabie złodziejem u zakonie paśla taho, jak u 1988 hodzie zładziŭ bunt u kałonii ŭ rasijskim Anžera-Sudžansku, dzie adbyvaŭ pakarańnie. Za heta da jaho terminu dadali 10 hadoŭ. Adnak nichto z aŭtarytetaŭ jaho status nie pryznaŭ. U 1993 hodzie minski złodziej u zakonie Šaŭlik nazvaŭ jaho samazvancam.
Valet byŭ nieadnarazova sudzimy za kradziažy, rabavańni, zachoŭvańnie zbroi, ciažkija cialesnyja paškodžańni i zabojstva. U miescach pazbaŭleńnia voli jon pravioŭ kala 40 hadoŭ. U lipieni hetaha hoda Hančaronak vyzvaliŭsia z turmy, dzie adsiedzieŭ 17 hadoŭ za bandytyzm i razboj. Žyŭ u Brasłavie.
