«Naša Niva» źniała film pra zabitaha Alaksandra Tarajkoŭskaha
Alaksandr Tarajkoŭski byŭ zastreleny siłavikami viečaram 10 žniŭnia la stancyi mietro «Puškinskaja». Minuła try miesiacy — kryminalnaja sprava dahetul nie zaviedzienaja.
13 listapada stała viadoma, što ŭpraŭleńnie Śledčaha kamiteta pa Minsku prypyniła pravierku pa fakcie śmierci Tarajkoŭskaha na maksimalny termin — 3 miesiacy.
Blizkija zabitaha nie vierać u toje, što pry ŭładzie Łukašenki mahčymaje spraviadlivaje rasśledavańnie. Ale jany ŭsio adno buduć dabivacca praŭdy.
Alaksandru Tarajkoŭskamu było 34 hady. U jaho zastałasia trochhadovaja dačka.
My pahutaryli z žonkaj Alaksandra Alenaj Hierman, z advakatam siamji Alvinaj Minhazavaj, sa śviedkam zabojstva Viačasłavam Smolskim, z paciarpiełymi ŭ tuju noč na Puškinskaj Źmitrom Smalakom i Hieorhijem Sajkoŭskim, z pravaabaroncam «Viasny» Valancinam Stefanovičam i byłym śledčym Andrejem Astapovičam.
Jakim byŭ Alaksandr? Jak jon apynuŭsia na Puškinskaj 10 žniŭnia? Što tam adbyvałasia ŭ toj viečar? Čamu Tarajkoŭski zastaŭsia stajać pierad šeraham siłavikoŭ, kali bolšaść demanstrantaŭ užo raźbiehłasia? Čamu dahetul nie zaviedzienaja kryminalnaja sprava i jakuju kamandu dali śledčym paśla vybaraŭ? Adkazy — u śpiecvypusku prajekta «Tok».
00:00 — Puškinskaja
00:39 — žonka — pra śmierć Alaksandra
01:32 — momant zabojstva
02:03 — što adbyvałasia na Puškinskaj 10 žniŭnia
04:03 — pra dzień zabojstva Tarajkoŭskaha i jaho pošuki
10:14 — śviedčańni vidavočcy zabojstva Tarajkoŭskaha
15:55 — śviedčańni paciarpiełaha na Puškinskaj Hieorhija Sajkoŭskaha, jakomu razarvała stupniu hranataj
18:02 — śviedčańni paciarpiełaha ŭ časie razhonu Źmitra Smalaka
20:58 — žonka — pra toje, jakim čałaviekam i baćkam byŭ Alaksandr
30:03 — advakat — pra spravu Tarajkoŭskaha
32:50 — były śledčy Andrej Astapovič — pra toje, čamu nie zaviedzienaja kryminalnaja sprava
40:48 — jak pravaabaroncy aceńvajuć spravu Tarajkoŭskaha
51:08 — pra sabaku Alaksandra Hierdu
52:16 — pra sudzimaść Alaksandra
53:57 — jak staviŭsia da ŭładaŭ
55:20 — pra dzień vybaraŭ
58:33 — narodny miemaryjał na Puškinskaj
01:01:20 — ab prapanovie Łukašenki «pieraharnuć hetuju staronku»
01:02:03 — što padtrymlivaje Alenu hetyja miesiacy
