Za 13 listapada pa ŭsioj Biełarusi zatrymali kala 150 čałaviek
Učora pa ŭsioj krainie prajšli pikiety ŭ pamiać pra zabitaha žychara «płoščy Pieramien» Ramana Bandarenki. A 12-j pa ŭsim Minsku ludzi vyjšli, kab złučycca ŭ łancuhi pamiaci.
Paralelna pa horadzie kursiravali milicejskija busy, dzie-nidzie siłaviki ładzili abłavu na mirnych udzielnikaŭ pikietaŭ — ahułam, pavodle telehram-kanała «Śpiski zadieržannych», za 13 listapada pa Minsku 55 zatrymanych. Siarod ich markietołah Ahnija Łojka, kiraŭnik śpiecprajektaŭ Tut.by Maryja Jaroma, akcior teatra Horkaha Ihar Andrejeŭ, kiraŭnik choru «Unija» Pavieł Honca.
Masavyja zatrymańni adbylisia ŭ Dokšycach — usiaho 8 čałaviek. Mahčyma, heta źviazana z pryjezdam u horad kiraŭnika Pałaty pradstaŭnikoŭ Andrejčanki.
Pa paviedamleńniach pravaabaroncaŭ, zatrymlivali ludziej taksama ŭ Breście, Smarhoni, Baranavičach, Lachavičach, Vilejcy, Maładziečnie, Słucku, Klecku, Pastavach, Śvietłahorsku, Barysavie.
