U kramach i kafe budzie zabaroniena absłuhoŭvać tych, chto biez masak
Archiŭnaje fota Nadziei Bužan
Abjekty handlu, hramadskaha charčavańnia i bytavoha absłuhoŭvańnia nie pavinny absłuhoŭvać hramadzian biez achoŭnych masak. Pra heta BiełTA raskazała načalnik hałoŭnaha ŭpraŭleńnia handlu i pasłuh Minharvykankama Nina Jemialjanava.
«Paśla ŭviadzieńnia abaviazkovaha masačnaha režymu ŭ Minsku my praktyčna adrazu paviedamili ŭsim padnačalenym nam abjektam, što naviedvalnikaŭ treba infarmavać ab nieabchodnaści nasić maski. Pra heta nasielnictva ŭ kramach paviedamlajuć praz abviestki na ŭvachodzie i radyjovuzły. Kali čałaviek hrebuje srodkami indyvidualnaj abarony orhanaŭ dychańnia ŭ pamiaškańni, jaho nie dapuskajuć da absłuhoŭvańnia i paviedamlajuć ab nieabchodnaści vykonvać supraćepidemičnyja praviły», — kaža Nina Jemialjanava.