Žurnalista Aleha Hruździłoviča zabrali na Akreścina
Aleh Hruździłovič
Milicyjanty pryjšli a 19:30 u kvateru žurnalista Aleha Hruździłoviča i prademanstravali jamu zdymki z akcyi pratestu 25 kastryčnika ŭ Miensku, na jakich jon byŭ, piša «Svaboda».
«Milicyjanty skazali, što treba niešta jašče ŭdakładnić i advieźli jaho ŭ Frunzenskaje RUUS Mienska, dzie jaho nibyta čakaje ŭčastkovy», — paviedamiła žonka Aleha Marjana.
Aleh Hruździłovič — viadomy biełaruski žurnalist, specyjalizujecca ŭ pravaabarončaj tematycy, bolš za 20 hod adpracavaŭ karespandentam «Radyjo Svaboda», mieŭ akredytacyju MZS da 29 žniŭnia 2020 hodu, kali ŭsie zamiežnyja karespandenty byli pazbaŭlenyja akredytacyi. Aleh supracoŭničaŭ ź niezaležnymi biełaruskimi ŚMI, aŭtar knihi «Chto ŭzarvaŭ mienskaje metro».
25 kastryčnika 2020 hodu Aleh Hruździłovič mieŭ redakcyjnaje zadańnie dla pracy na akcyi pratestu ad hazety «Narodnaja vola».
