Vice-premjer Pietryšenka: Pieradumovaŭ dla dystancyjnaha navučańnia dla školnikaŭ niama
BiełTA
Pra heta zajaviŭ u intervju BiełTA namieśnik premjer-ministra Ihar Pietryšenka.
«Pakul pieradumoŭ dla ŭviadzieńnia dystancyjnaj dziejnaści dla školnikaŭ niama. Adznaču, što na praciahu pieršaj čverci škołu naviedvali nie mienš za 85% navučencaŭ, praz chvarob prapuskali navučalnyja zaniatki nie bolš za 11% školnikaŭ», — paviedamiŭ Ihar Pietryšenka.
U toj ža čas pry vyjaŭleńni karanavirusa ŭ škołach ci VNU apieratyŭna prymajucca miery, kab nie dapuścić raspaŭsiudžvańnia infiekcyi.
«Tak, naprykład, va ŭniviersitetach asobnyja navučalnyja hrupy, dzie jość zachvarełyja na COVID-19, pierachodziać na dystancyjny farmat navučańnia z vykarystańniem infarmacyjnych technałohij. Siońnia ŭ takim farmacie navučajecca nie bolš za 10% studentaŭ», — rastłumačyŭ namieśnik premjer-ministra.