Pieršyja debaty Trampa i Bajdena vylilisia ŭ lutuju svarku
Pieršyja pieradvybarčyja teledebaty pamiž Donaldam Trampam i Džo Bajdenam vylilisia ŭ aŭtorak, 29 vieraśnia, u lutuju svarku pamiž kandydatami. Nie pacisnuŭšy ruki ŭ pačatku sustrečy z-za pandemii karanavirusa, palityki abrynulisia adzin na adnaho z abvinavačvańniami, piša DW.
U pryvatnaści, Bajden nazvaŭ Trampa «najhoršym prezidentam u historyi ZŠA», «błaznam», «ašukancam», «ščaniukom Pucina» i abvinavaciŭ jaho ŭ raspalvańni rasisckich nastrojaŭ. Tramp, u svaju čarhu, pastajanna pierabivaŭ Bajdena, sumniavaŭsia ŭ jaho razumovych zdolnaściach i nazvaŭ pracu syna Bajdena va Ukrainie prajavaj karupcyi.
Asabliva raźlutavany abmien udarami pajšoŭ u razmovie ab pandemii karanavirusa. Bajden abvinavaciŭ Trampa ŭ tym, što jon doŭhija miesiacy niedaaceńvaŭ virus, što pryviało da vialikaj kolkaści achviar. Tramp zapiarečyŭ: kali b prezidentam byŭ Bajden, lik achviar išoŭ by na miljony, a ekanomika krainy była b razburanaja.
U toj ža čas Tramp znoŭ uchiliŭsia ad pramoha adkazu na pytańnie, ci pryznaje jon vyniki vybaraŭ u vypadku svajho projhryšu. Raniej jon zrabiŭ heta 23 vieraśnia. «Što ž, pahladzim, što adbudziecca. Vy viedajecie, što ja vielmi mocna vykazvaŭ niezadavolenaść z nahody hałasavańnia, i heta poŭnaja katastrofa», — zajaviŭ tady Tramp, kamientujučy praktyku hałasavańnia praz poštu, u jakoj jon bačyć instrumient dla falsifikacyj. Bajden zajaviŭ, što źbirajecca pryznać lubyja vyniki hałasavańnia.
Prezidenckija vybary ŭ ZŠA projduć 3 listapada.
Fota na hałoŭnaj staroncy: vsj.com
