Paśla troch sutak na Akreścina vypuścili hałoŭnaha redaktara «Našaj Nivy» Jahora Marcinoviča
26 vieraśnia ŭ 09:35 pavinien byŭ skončycca 72-hadzinny termin zatrymańnia hałoŭnaha redaktara «Našaj Nivy» Jahora Marcinoviča ŭ IČU na Akreścina. Artykuł za paklop, pa jakim zaviedziena sprava, u jakoj jon prachodzić u jakaści padazravanaha, nie praduhledžvaje dalejšaha ŭtrymańnia pad vartaj. Roŭna ŭ 09:35 jaho vypuścili.
Kamientar Jahora Marcinoviča paśla vyzvaleńnia:
Nahadajem, 23 vieraśnia doma ŭ Jahora Marcinoviča prajšoŭ pieratrus. Paśla hetaha jaho zabrali na dopyt u Centralny aparat Śledčaha kamiteta. Paśla dopytu jaho źmiaścili ŭ IČU na Akreścina.
Sama sprava zaviedzienaja, imavierna, praz apublikavany na sajcie «Našaj Nivy» materyjał, u jakim dydžej Uład Sakałoŭski śćviardžaje, što ŭ karcary na Akreścina jaho biŭ čałaviek, padobny da namieśnika ministra ŭnutranych spraŭ Barsukova. Barsukoŭ pa spravie prachodzić paciarpiełym.