Jak miljarder Abramovič finansavaŭ svaich supiernikaŭ. Niečakanaje adkryćcio FinCEN
Uładalnik łondanskaha «Čełsi», rasijski miljarder Raman Abramovič tajemna finansavaŭ futbalistaŭ, jakija nie naležali jaho kamandzie, piša bbc.com.
Heta vyjaviła žurnalisckaje rasśledavańnie na asnovie dakumientaŭ FinCEN.
Pryčym siarod zhadanych hulcoŭ byli i tyja, jakija vystupali suprać «Čełsi» — naprykład, pieruanski vinhier Andre Karylja, jaki ŭ Lizie čempijonaŭ—2014 hoda hulaŭ suprać łondancaŭ za partuhalski «Sportynh» (tady «Čełsi» vyjhraŭ na vyjeździe, a doma zhulaŭ z partuhalcami ŭničyju).
Raman Abramovič vałodaŭ pravami na jaho i inšych futbalistaŭ praz kampaniju, zarehistravanuju na Brytanskich Virhinskich vyspach.
Uciečka dakumientaŭ («spravazdačy padazronych apieracyj»), nazvanaja FinCEN Files, pakazała, što Raman Abramovič źviazany z afšornaj kampanijaj Leiston Holdings.
Jana zajmałasia kuplaj pravoŭ ułasnaści na budučyja tranśfiery futbalistaŭ jak «treci bok» z - -za apieracyj z najaŭnymi — u Anhlii heta zabaranili jašče ŭ 2008 hodzie, a ŭ mižnarodnaj praktycy — u 2015 hodzie.
U toj ža čas Čełsi mieŭ prava pryjarytetnaha vykupu pravoŭ na niekatorych futbalistaŭ u Leiston.
Takim čynam padčas hulniaŭ «Čełsi» suprać «Sportynha» ŭ Lizie čempijonaŭ u 2014 hodzie Raman Abramovič byŭ finansava zacikaŭleny ŭ pośpiechu ŭsich svaich hulcoŭ z łondanskaha kłuba, a taksama ŭ pieruancu Andre Karylju, jaki tady zhulaŭ u abodvuch matčach suprać «Čełsi».
Usio heta, jak minimum, možna razhladać skroź pryzmu kanfliktu intaresaŭ.
Novyja adkryćci pa aktyŭnaści Abramoviča źjavilisia na fonie jaho čarhovych bujnych inviestycyj u «Čełsi» ŭ hetym hodzie.
U novym nabory dakumientaŭ FinCEN havorka idzie pra «padazronuju aktyŭnaść» Ramana Abramoviča ŭ 2016 hodzie.
U pryvatnaści pra bolš čym 1 młrd dalaraŭ «padazronych płaciažoŭ z udziełam fiktyŭnych afšornych kampanij».
Mnohimi z takich kampanij vałodaje Raman Abramovič, havorycca ŭ spravazdačach, i hrošy prosta cyrkulavali pamiž imi.
