Salidarnaść: kalehi adstajali supracoŭnikaŭ RUP «Biełenierhasietkaprajekt», jakich sprabavali zvolnić paśla pratestaŭ
Kiraŭnictva pradpryjemstva «Biełenierhasietkaprajekt» na hetym tydni pačało vyklikać rabotnikaŭ i prapanoŭvać napisać zajavy na zvalnieńnie, pahražajučy inakš zvolnić «pavodle artykuła», piša Biełsat.
U adkaz 90 pracaŭnikoŭ pradpryjemstva napisali list da kiraŭnictva RUP i da kiraŭnictva kancerna ab tym, što ŭ vypadku ich zvalnieńnia jany hatovyja sami zvolnicca. Adpaviedny list ad imia prafsajuznaj jačejki byŭ dasłany na imia prafsajuznaha kiraŭnictva haliny.
U vyniku kiraŭnictva pradpryjemstva paviedamiła, što ŭsie, chto byŭ vymušany napisać zajavy na zvalnieńnie, mohuć adklikać ich. Pry hetym kiraŭnictva pakidaje za saboj prava nakazać za parušeńnie dyscypliny tych, chto chadziŭ na akcyi ŭ pracoŭny čas 17-18 žniŭnia.
Pracoŭny kalektyŭ «Biełenierhasietkaprajekta» pieršym masava dałučyŭsia da pratestnaha ruchu ŭ žniŭni paśla vybaraŭ.
