Minzdaroŭja: Spynicie raskručvańnie śpirali hvałtu na vulicach našych haradoŭ
U telehramie Minzdaroŭja źmieščany aficyjny zvarot Ministerstva achovy zdaroŭja i Biełaruskaha prafsajuza rabotnikaŭ achovy zdaroŭja!
Pryvodzim jaho całkam.
«Ministerstva achovy zdaroŭja z chvalavańniem sočyć za situacyjaj, jakaja raźvivajecca ŭ apošnija dni. Chvala hvałtu, pałamanyja losy i stračanaje zdaroŭje.
My, daktary, zaklikanyja abaraniać i bierahčy samaje kaštoŭnaje z taho, što jość u čałavieka — jaho žyćcio i zdaroŭje, nie možam abyjakava nazirać za tym, što adbyvajecca. Žyćcio i zdaroŭje (usich biez vyklučeńnia) hramadzian našaj krainy — nieacennyja!
My źviartajemsia da ŭsich suajčyńnikaŭ — spynicie raskručvańnie śpirali hvałtu na vulicach našych haradoŭ, nie treba pravakavać adzin adnaho! My chočam, kab u krainie znoŭ hučaŭ dziciačy śmiech, a nie vyćcio siren i hudkoŭ, huki vybuchaŭ, my chočam adčuvać atmaśfieru radaści i spakoju.
Žyćcio vielmi dalikatnaje i chutkapłynnaje, zdaroŭje lohka stracić, nie treba tracić hety biascenny dar na pravakavańnie hvałtu i zaachvočvać raskoł u hramadstvie!
Pamiatajecie, nam usim razam žyć u hetaj krainie!
