Biudžet moža niedaatrymać u 2020 hodzie da 4 miljardaŭ. Vinavatyja nafta i pandemija
Biudžet Biełarusi moža niedaatrymać u 2020 hodzie da 4 młrd rubloŭ z-za situacyi z naftaj i zapavoleńnia ekanamičnaha rostu na fonie pandemii, paviedamiŭ žurnalistam ministr finansaŭ Juryj Sielivierstaŭ, pieradaje karespandent BiełTA.
«Što tyčycca acenki pa vynikach 2020 hoda, strata dachodaŭ prahnazujecca na ŭzroŭni 3,7-4 młrd rubloŭ. Pałova hetaj sumy źviazanaja z naftavym rynkam, pamianšeńniem pamieru mytnych pošlin, a taksama abjomaŭ ekspartu naftapraduktaŭ. Akramia taho, z ulikam situacyi ŭ ekanomicy ŭ cełym (nie tolki ŭ Biełarusi, ale i va ŭsich ekanomikach nazirajecca spad), prahnazujem, što niedaatrymajem padatak na prybytak, dyvidendy ad pradpryjemstvaŭ u dziaržułasnaści na sumu krychu bolš za 2 młrd rubloŭ», — paviedamiŭ Jury Sielivierstaŭ.
Płanavy deficyt biudžetu pavialičany ź pieršapačatkovych 900 młn da 2,1 młrd rubloŭ. Pa vynikach hetaha hoda jon moža skłaści da 5 młrd.
