Tankier z azierbajdžanskaj naftaj dla Biełarusi prybudzie ŭ port Adesy 4-5 žniŭnia
Čarhovy tankier nafty ad dziaržaŭnaj naftavaj kampanii Azierbajdžana SOCAR dla Biełarusi prybudzie ŭ port Adesy 4-5 žniŭnia, paviedamiŭ BIEŁTA pres-sakratar kancerna «Biełnaftachim» Alaksandr Ciščanka.
«2 žniŭnia z Supsy (port u Hruzii) vyjšaŭ tankier z 85 tys. t azierbajdžanskaj nafty. Prybyćcio ŭ port Paŭdniovy čakajecca 4-5 žniŭnia», — paviedamiŭ Alaksandr Ciščanka.
SOCAR sioleta pastaviła biełaruskamu kancernu «Biełnaftachim» piać partyj nafty ahulnym abjomam kala 420 tys. t praz port Adesy i naftapravod Adesa — Brody na Mazyrski NPZ. Staršynia kancerna «Biełnaftachim» Andrej Rybakoŭ paviedamlaŭ, što SOCAR u biahučym hodzie moža pastavić u Biełaruś da 1 młn t nafty.
U žniŭni Biełaruś taksama pavinna atrymać druhuju partyju nafty z ZŠA. Tankier z 80 tys. t nafty hatunku White Eagle Blend čakajuć u Kłajpiedzie 6-8 žniŭnia. Z Kłajpiedy na naftapierapracoŭčy zavod «Naftan» dastaŭka budzie vieścisia čyhunačnym transpartam.