U Mastackim muziei adkryłasia vystava hrafiki Arlena Kaškureviča
Nacyjanalny mastacki muziej razam ź Biełaruskim dziaržaŭnym archivam-muziejem litaratury i mastactva pradstaviŭ miemaryjalnuju vystavu Arlena Kaškureviča, piša BiełTA.
Sioleta spaŭniajecca 90 hadoŭ z dnia naradžeńnia narodnaha mastaka Biełarusi, łaŭreata Dziaržaŭnaj premii Arlena Kaškureviča (1930-2013).
«Na retraśpiektyŭnaj vystavie — bolš za 100 rabot, vykananych u hrafičnych technikach aforta, litahrafii, linahraviury, akvareli, malunka tuššu, miakkimi materyjałami. Hledačy mohuć ubačyć tvorčaść Arlena Kaškureviča ŭ šyrokim chranałahičnym dyjapazonie — pačynajučy ad samych rańnich rabot 1959 hoda da malunkaŭ 2010-ch hadoŭ. Asnovu miemaryjalnaj vystavy składajuć manumientalnyja sieryi hraviur i ilustracyi knih, jakija ŭdzielničali ŭ respublikanskich i mižnarodnych vystavach i konkursach i adznačanyja vysokimi hanarovymi ŭznaharodami», — raspaviali ŭ muziei.
Arlen Kaškurevič naležyć da najiarčejšych majstroŭ druhoj pałovy XX — pačatku XXI stahodździa, tvory jakoha atrymali šyrokaje pryznańnie ŭ našaj krainie i za miažoj. Adzin z zasnavalnikaŭ škoły sučasnaj biełaruskaj hrafiki i najbujniejšy majstar knižnaj ilustracyi za čas svajoj pracy aformiŭ bolš za 200 knih.