Rasijski konsuł: Pazicyja Minska ab zmovie 33 hramadzian RF ź Cichanoŭskim i Statkievičam nadumanaja
Supracoŭniki konsulskaha adździeła pasolstva Rasii sustrelisia z zatrymanymi ŭ Biełarusi rasijskimi hramadzianami, paviedamiła ŭ tvitary ŭ subotu, 1 žniŭnia, dypmisija, piša tut.by.
«Konsuł pravioŭ sustreču z zatrymanymi. Nakolki viadoma, naviedvańnie zatrymanych było praciahłym pa časie», — adznačyli tass.ru ŭ pasolstvie RF.
Konsuł ambasady RF u Biełarusi Kirył Pletnieŭ u efiry telekanała «Rasija-24» paviedamiŭ, što 33 rasijanam pradjaŭlenaja kopija pastanovy ab prymianieńni miery strymańnia ŭ vyhladzie źmiaščeńnia pad vartu.
— Taki dakumient byŭ pradjaŭleny kožnamu z našych rasijskich hramadzian, u adpaviednaści ź jakim vidavočna prasočvajecca tendencyjnaja nakiravanaść dziejańniaŭ biełaruskich uładaŭ. U pryvatnaści, chaciełasia b adznačyć, što pakazvajecca na naŭmysnyja dziejańni hrupy asob pa papiaredniaj zmovie sumiesna ź Cichanoŭskim i Statkievičam, što, na naš pohlad, źjaŭlajecca absalutna nadumanaj i niesapraŭdnaj pazicyjaj, — skazaŭ konsuł.
Novaja sprava suprać Cichanoŭskaha — da 12 hadoŭ źniavoleńnia
