Chadajnictvy za Babaryku ŭ KDB padali bolš za 30 čałaviek, u tym liku Aleksijevič i Ceśler
Chadajnictvy ab asabistym paručycielstvie adnosna Viktara Babaryki dla źmieny jamu miery strymańnia, niahledziačy na zatrymańni tych, chto chacieŭ heta zrabić, zmahli padać bolš za 30 čałaviek. Akramia taho, advakaty Viktara Babaryki pieradali ŭ KDB chadajnictvy ab asabistym paručycielstvie adnosna eks-pretendenta ŭ prezidenty, padpisanyja Nobieleŭskim łaŭreatam Śviatłanaj Aleksijevič, mastakom Uładzimiram Ceśleram i dyrektaram Mižnarodnaha dabračynnaha fondu dapamohi dzieciam «Šans» Natallaj Machańko, raspaviali Tut.by abaroncy Alaksandr Pylčanka i Dźmitryj Łajeŭski.
— Aleksijevič, Ceśler i Machańko — adny ź lepšych pradstaŭnikoŭ litaratury, mastactva i dabračynnaj śfiery, i ŭsie ludzi, jakija znajšli ŭ sabie mužnaść pryjści ŭ KDB z chadajnictvam ab paručycielstvie, prademanstravali svaju hramadzianskuju pazicyju i salidarnaść, — adznačajuć Pylčanka i Łajeŭski.
