Navukoŭcy raspaviali, jakija pradukty pavyšajuć ryzyku raku
Pradukty, bahatyja antyaksidantami, takija jak čorny čaj, šakaład, arechi i jahady, mohuć pavysić ryzyku raźvićcia niekatorych vidaŭ raku, vyśvietliła hrupa daśledčykaŭ z Centra imunałohii i daśledavańniaŭ raka imia Łaŭtenbierha pry Jaŭrejskim univiersitecie ŭ Jerusalimie, paviedamiła pres-słužba navučalnaj ustanovy, piša ria.ru.
«Pilny analiz vyjaviŭ vinavataha, jaki prymušaŭ rak chutka pašyracca ŭ toŭstaj kišcy: kišačnaja fłora, što vyrablaje mietabality, viadomyja jak «antyaksidanty», jakija ŭ vysokich kancentracyjach utrymlivajucca ŭ takich praduktach, jak čorny čaj, šakaład, arechi i jahady», — havorycca ŭ pres-relizie.
Hrupa daśledčykaŭ pad kiraŭnictvam prafiesara Inona Bien-Nieryi zasiarodziłasia na roli kišačnaj mikrafłory, vyvučajučy rak straŭnikava-kišačnaha traktu, i, mahčyma, znajšła pryčynu, pa jakoj tolki 2% rakavych zachvorvańniaŭ raźvivajucca ŭ tonkaj kišcy, tady jak 98% — u toŭstym kišačniku. Pryčyna, na dumku navukoŭcaŭ, u hałoŭnym adroźnieńni pamiž hetymi orhanami — u najaŭnaści kišačnaj mikrafłory. U tonkim kišačniku mała bakteryj, u toj čas jak toŭsty kišačnik nasieleny bahataj mikrafłoraj.
«Navukoŭcy pačynajuć źviartać usio bolš pilnuju ŭvahu na rolu kišačnaj mikrafłory ŭ našym zdaroŭi: jak na jaje stanoŭčy efiekt, tak, jak i ŭ dadzienym vypadku, na jaje časam zhubnuju rolu ŭ pravakavańni niekatorych chvarob», — rastłumačyŭ Bien-Nieryja.
Klučavuju rolu ŭ raźvićci raku, na dumku navukoŭcaŭ, adyhryvaje białok pad nazvaj r53, jaki dziejničaje jak kletkavy barjer, dušačy hienietyčnyja mutacyi ŭ kletcy. Kali jon paškodžany, to jon nie prosta pierastaje abaraniać kletku, a, naadvarot, stymuluje raźvićcio raku, dapamahajučy puchlinam pašyracca i raści.
Kab vyvučyć upłyŭ kišačnaj mikrafłory, daśledčyki ŭvodzili mutavanyja białki r53 u toŭsty i tonki kišačnik. U tonkim kišačniku białki pieratvaralisia ŭ narmalny r53, dušačy rost rakavych kletak, u toj čas jak u toŭstym kišačniku jany zastavalisia viernymi svajoj pryrodzie i pravakavali pašyreńnie raku. Vinoj usiamu, na dumku Bien-Nieryi, bahataje mikraarhanizmami asiarodździe toŭstaha kišačnika. Kab dadatkova pravieryć ideju ab roli mikrafłory toŭstaha kišačnika, izrailskija navukoŭcy dušyli jaje z dapamohaj antybijotykaŭ, i ŭ hetym vypadku mutavany r53 bolš nie pravakavaŭ rak.
Kali daśledčyki vyvučali, jak bahataja antyaksidantami dyjeta dziejničaje na myšej, jany vyjavili, što ŭ hetym razie ich kišačnaja fłora paskarała režym stymulacyi raku białkom r53.