Pamior adzin z najlepšych traŭmatołahaŭ-artapiedaŭ krainy, jaki dapamoh tysiačam ludziej. U jaho byŭ COVID-19
26 lipienia pamior adzin z najlepšych traŭmatołahaŭ-artapiedaŭ krainy — Viktar Fiodaravič Vołkaŭ. Jon pracavaŭ u 6-j haradskoj kliničnaj balnicy Minska. Kalehi vielmi ciažka pieražyvajuć stratu, kažuć, što heta byŭ doktar redkaha talentu i pry hetym vielmi intelihientny i ścipły čałaviek. Niahledziačy na toje što Viktar Fiodaravič nie prymaŭ pacyjentaŭ z karanavirusnaj infiekcyjaj, a na čas pandemii navat byŭ u adpačynku, jon zachvareŭ na COVID-19, piša Tut.by.
— Heta vielmi sumlenny čałaviek, intelihientny da mozhu kaściej, čałaviek, jaki nikoli nivodnaha drennaha słova ni pra kaho nie skazaŭ, supiervychavany — nikoli nie zryvajecca, nikoli nie łajecca, budučy zahadčykam, navat kali ty nie mieŭ racyi, zaŭsiody dapamahaŭ — u luby čas dnia i nočy — raspaviadaje Alaksandra Citova, urač-traŭmatołah-artapied pryjomnaha adździaleńnia 6-j haradskoj kliničnaj balnicy Minska.
Viktar Vołkaŭ adzin čas byŭ zahadčykam pryjomnaha adździaleńnia traŭmatałohii, apošnim časam kansultavaŭ pacyjentaŭ pa składanych vypadkach. Jon kandydat miedycynskich navuk, pracavaŭ na kafiedry traŭmatałohii i artapiedyi BDMU, u adździaleńni chirurhii kiści, jon abaraniŭ kandydackuju na temu adnaŭleńnia paškodžańniaŭ suchažyllaŭ zhinalnikaŭ kiści.
— Jon patomny doktar, jaho baćka byŭ hałoŭnym doktaram u sielskaj balnicy ŭ Viciebskaj vobłaści, i heta jon jaho nakiravaŭ u miedycynski ŭniviersitet, i dziakujučy hetamu i źjaviŭsia vielmi dobry chirurh, adzin z zasnavalnikaŭ chirurhii kiści ŭ Respublicy. Pravioŭ tysiačy apieracyj, tysiačam ludziej vyratavaŭ kiści, vielmi dobry piedahoh, nikoli nie curaŭsia kahości vučyć i padzialicca vopytam, moładź za saboj ciahnuŭ, u apieracyjnych usim dapamahaŭ, śpiecyjalist ź vialikaj litary — raspaviadaje kiraŭnik Minskaha haradskoha kliničnaha centra traŭmatałohii i artapiedyi Valeryj Urubleŭski.
— Čałaviek redkaha talentu, jon usie apieracyi rabiŭ dakładna, vielmi chutka, vidać, što čałaviek usio razumieje. Vielmi intelihientny i miakki čałaviek, za ŭvieś čas nikoli ni hrubaha słova pacyjentu nie skazaŭ, a pacyjenty ŭ nas vielmi roznyja. Samy vietlivy, napeŭna, traŭmatołah za ŭsiu historyju 6-j balnicy — raspaviadaje Valeryj Cichan, urač-traŭmatołah-artapied pryjomnaha adździaleńnia 6-j haradskoj kliničnaj balnicy.
Z pacyjentami z COVID-19 Viktar Fiodaravič nie pracavaŭ, a na čas pandemii byŭ u adpačynku.
— U nas kiraŭnictva starałasia abaranić daktaroŭ, i ŭsim pažyłym dazvolili, navat paprasili, syści ŭ adpačynak, kab, nie daj boh, nie zdaryłasia biady. Jon byŭ u adpačynku, — adznačaje Alaksandra Citova.
Jana kaža: toje, što ŭ Viktara Fiodaraviča była karanavirusnaja infiekcyja, dla ich stała niečakanaściu. Kala dvuch miesiacaŭ doktar pravioŭ u roznych balnicach horada, miedyki zmahalisia za jaho žyćcio z usich sił, ale, na žal, vyratavać nie ŭdałosia.
Kalehi Viktara Fiodaraviča raspaviadajuć: u balnicu jon pastupiŭ z padazreńniem na insult, tam vyjavili i COVID-19, byŭ taksama i šerah spadarožnych zachvorvańniaŭ. Viktaru Fiodaraviču było 65 hadoŭ.
