BT ździekliva adkazała na pretenzii hurta Shuma
Vakalistka Shuma Rusia vyjaviła svaju pieśniu ŭ roliku pra Biełaruskija lohkaatletyčnyja hulni, jaki krucić BT. Artystka zapeŭnivaje, što nie davała BT dazvołu na vykarystańnie treka i źbirałasia adstojvać svaje pravy ŭ sudzie.
BT adreahavała na hety skandał u sacsietkach. «Čym mienš muzyki, tym bolš šumu», — pad takim zahałoŭkam pačynaŭsia adkaz dziaržaŭnaha telebačańnia.
— Dadzienyja videamateryjały byli vyrablenyja na zakaz Biełaruskaj fiederacyi lohkaj atletyki ŭ pabočnaj arhanizacyi i pieradadzienyja Biełteleradyjokampanii dla raźmiaščeńnia ŭ efiry ŭ ramkach dvuchbakovych damoŭnych adnosin. Muzyčnaja kampazicyja znachodzicca ŭ kalektyŭnym kiravańni Nacyjanalnaha centra intelektualnaj ułasnaści, ź jakimi ŭ miedyjachołdynha zaklučana damova ab vykarystańni muzyčnych tvoraŭ, — tłumačyć BT.
Biełteleradyjokampanija nahadała, što štokvartalna daje źviestki pra muzyčnyja tvory, pieradadzienyja ŭ efir, i ažyćciaŭlaje vypłatu ŭznaharodžańnia. Heta značyć, i vypadak Shuma taksama padlahaje apłacie.
— Shuma mahli b rekamiendavać źviarnucca ŭ Fiederacyju lohkaj atletyki z… padziakaj. Vyklučna dziakujučy našym dobrym adnosinam ź Fiederacyjaj takaja «intelektualnaja ŭłasnaść» atrymała choć niejki šaniec trapić u televizijny efir, — ździekliva dadali ŭ BT.
