Kanapackaja z łaźni: Za palityčnymi ambicyjami sprabujuć schavać zvyčajnuju karupcyjnuju kryminalščynu
Patencyjny kandydat u prezidenty Hanna Kanapackaja prakamientavała aktualnyja padziei ŭ krainie, znarok nie nazyvajučy imia Viktara Babaryki.
«Miehabajty vydumak i brudu, što vylivajuć na mianie małapapularnyja i brachlivyja telehram-kanały krainy infarmacyjnaha i ideałahičnaha ahresara, fundavanyja z kišeni niekatorych kalapalityčnych dziejačaŭ, jakija ŭjavili siabie biełaruskimi miesijami, ź lohkaściu zmyvajucca adnym zachodam u łaźniu».
«Ź cikavaha zaŭvažu: da čaho ž prymityŭna hladziacca sproby za palityčnymi ambicyjami, jakija niemaviedama adkul uzialisia, schavać zvyčajnuju karupcyjnuju kryminalščynu i prapažu daručanych hrošaj i aktyvaŭ svaich karparatyŭnych haspadaroŭ. I hetyja ludzi buduć nam raskazvać, jak treba Biełaruś lubić?! Z usim nacyjanał-praletarskim abureńniem. Vaša Hanna».
Hanna Kanapackaja prailustravała dopis takim fota:
Fota z fejsbuka Hanny Kanapackaj
Čytajcie:
Boh daruje. Kanapackaja śćviardžaje, što sabrała 100 tysiač podpisaŭ
Kanapackaja paraŭnała Babaryku ź piedafiłam, jakomu nielha pracavać u dziciačym sadzie
