Virusołah acaniŭ imaviernaść druhoj chvali pandemii vosieńniu
Italjanski virusołah, prarektar miłanskaha univiersiteta Vita-Salute San Raffaele Masima Klemienci dapuściŭ niemahčymaść uźniknieńnia druhoj chvali COVID-19 hetaj vosieńniu, piša rbc.ru.
«Kali virus, jak my miarkujem, pastupova stanie mienš virulentnym, to paŭtareńnia situacyi, jakaja ŭźnikła hetaj zimoj, nie budzie», — skazaŭ virusołah.
Pavodle jaho słoŭ, ab niemahčymaści ŭźniknieńnia druhoj chvali śviedčać daśledavańni, praviedzienyja supracoŭnikami łabaratoryi mikrabijałohii i virusałohii špitala San Raffaele, jakuju ŭznačalvaje Klemienci.
Padčas daśledavańnia navukoŭcy paraŭnali 100 pacyjentaŭ, jakija pastupili ŭ balnicu ŭ pieryjad z 1 pa 15 sakavika, a taksama 100 pacyjentaŭ, špitalizavanych u druhoj pałovie maja. Ekśpierty pryjšli da vysnovy, što ŭ pačatkovaj stadyi epidemii virusnaja nahruzka (miera ciažaru virusnaj infiekcyi, jakaja raźličvajecca šlacham acenki kolkaści virusnych čaścic u peŭnym abjomie bijałahičnaj vadkaści — red. RBK) była ŭ dziasiatki razoŭ vyšejšaj, čym u kancy maja.
Klemienci ličyć, što ŭ apošni čas nazirajecca palapšeńnie kliničnaj karciny, jakoje supravadžajecca vidavočnym źnižeńniem virusnaj nahruzki. Heta, pa słovach ekśpierta, aznačaje, što sam karanavirus słabieje.
«Pakul my nie možam śćviardžać heta z poŭnaj upeŭnienaściu, ale chutčej za ŭsio heta mienavita tak», - dadaŭ prafiesar.
