U Niamieččynie zabaranili lačeńnie homaseksualizmu
Pradstaŭnictva fiederalnych ziamiel Hiermanii ŭchvaliła zakon, jaki zabaraniaje terapiju dla źmieny homaseksualnaj aryjentacyi na hieteraseksualnaść, paviedamlaje DW.
Adznačajecca, što praviadzieńnie pracedur dla «vypraŭleńnia» homaseksualnaści ciapier moža karacca turemnym źniavoleńniem da hoda. Taksama zabaraniajecca rekłama i pasiarednictva ŭ takich pasłuhach — za ich pahražaje štraf da 30 tysiač jeŭra. Zakon zabaraniaje lubyja miery, nakiravanyja na źmianieńnie abo padaŭleńnie seksualnaj aryjentacyi jak niepaŭnaletnich, tak i darosłych, kali heta zasnavana na padmanie abo prymusie. Pry hetym u vypadku ź dziećmi pad adkaznaść mohuć patrapić i ich baćki, jakija padšturchnuli da hetaha.
Aŭtaram zakonaprajekta ab zabaronie kanviersijnaj terapii vystupiŭ ministr achovy zdaroŭja Hiermanii Jens Špan. Na jaho dumku, homaseksualizm nie źjaŭlajecca chvarobaj, a sproby jaho vylečyć pryvodziać tolki da fizičnych i psichičnych pakut.
