Łukašenka pra pikiety: Tyja, chto finansujecca na hrošy rasijskich aliharchaŭ, viaduć da ŭłady hetu admarožanuju radykalnuju apazicyju
Łukašenka, vystupajučy pierad śviežapryznačanymi ministrami, prajšoŭsia pa ŭdzielnikach pikietaŭ.
«Pamieniej vy hladzicie ŭ instahramach, stohramach i niejkich tam telehram-kanałach na hetyja doŭhija nibyta čerhi, — skazaŭ jon. — Treba im dać fatahrafii, zroblenyja z hetych, jak ich, kvadrakoptaraŭ. I tady vy pabačycie tuju karcinku, i kolkaść ich taja ž. Heta ž tyja ludzi, i ad radykalnaj apazicyi jany byccam by… Nie, heta jany. Jany marhinały».
«Nie, nie źjaviłasia nijakaha novaha pratestnaha ruchu. Tam źjavilisia novyja ludzi. Što takoje novy pratestny ruch? Heta hady. A jany nie chočuć siabie źviazvać z radykalnaj apazicyjaj. Nie atrymałasia. Na Kamaroŭcy siońnia razharnuli bieł-čyrvona-bieły i jeŭrapiejski ściah. I tyja, chto siońnia finansujecca za košt Rasii, jany zrazumieli, što na hrošy rasijskich aliharchaŭ jany viaduć da ŭłady hetu admarožanuju radykalnuju apazicyju. A hetyja čerhi — heta małaja biełaruskaja karusiel, jak ja jaje nazyvaju, i vialikaja biełaruskaja karusiel. Sutnaść małoj u tym, što tut jany raśpisalisia, potym znoŭ stali ŭ hetuju čarhu ŭ chvost, jašče raśpisalisia… Na aŭtamabilach padvoziać ludziej. Raśpisalisia, pajšli, sieli, jany ich pa kvartale abvieźli, znoŭ pastavili ich u čarhu. A vialikaja karusiel, što na Kamaroŭcy raśpisalisia, a potym … znoŭ raśpisalisia», — skazaŭ Łukašenka.