U Stoŭbcach niećviarozy kiroŭca ŭdaryŭ supracoŭnika DAI i pahražaŭ pasadzić na kania
Niećviarozy mužčyna sa Stoŭbcaŭ udaryŭ inśpiektara DAI, raspačata kryminalnaja sprava, paviedamlaje MUS.
U noč na 1 červienia ŭ Stoŭbcach narad DAI spyniŭ «Mazdu». Za rulom byŭ 31-hadovy žychar rajcentra, ad jaho pachła ałkaholem. Mašyna naležała znajomaj mužčyny, a ŭ jaho samoha nie było pravoŭ. Inśpiektary vyrašyli dastavić mužčynu ŭ balnicu na ahlad.
Pa darozie jon usialak uhavorvaŭ adpuścić jaho, kazaŭ, što pasadzić rabotnika DAI na kania. U vyniku napaŭ na milicyjanta, pryčyniŭšy cialesnyja paškodžańni.
Kiroŭcu zatrymali, u jaho kryvi vyjaŭlena 1,2 pramile ałkaholu. Raspačata kryminalnaja sprava za hvałt u dačynieńni da supracoŭnika orhanaŭ unutranych spraŭ. Zatrymany mužčyna — uradženiec Hruzii. Raniej jon pryciahvaŭsia da kryminalnaj adkaznaści za ŭchileńnie ad utrymańnia dziaciej i ad adbyćcia pakarańnia.
