Minzdaroŭja raspaviało, kolki praciahniecca balničny ŭ chvorych na lohkuju formu COVID-19
Minzdaroŭja 21 maja pryniało zahad №557 dla ŭdaskanaleńnia pryniatych mier pa sučasnaj dyjahnostycy i lačeńni pacyjentaŭ z COVID-19. Na sajcie Ministerstva achovy zdaroŭja siońnia apublikavany kamientaryj da dakumienta.
Siarod inšaha, zahadam udakładnienyja klinika-łabaratornyja kryteryi ŭstanaŭleńnia dyjahnazu COVID-19. Vyznačany hrupy pacyjentaŭ, jakija padlahajuć łabaratornamu abśledavańniu, apisany paradak daśledavańnia pry vypiscy i pieravodzie.
Pacyjentam ź lohkaj i bieśsimptomnaj formaj COVID-19 testavańnie pravodzicca na 14-ja sutki, i pry admoŭnym vyniku ich vypisvajuć.
Kali ž u pacyjenta stanoŭčy vynik, to zakryvać balničny list buduć na 21-y dzień.
«U zdarovaha čałavieka ŭ normie RNK karanavirusa vyznačacca nie pavinna. Adpaviedna, kali pieršasna vyjaŭlajecca pacyjent (z prajavaj simptomaŭ abo biez) z najaŭnaściu RNK, to heta śviedčyć pra infikavańnie. Pry hetym, jak pakazvaje praktyka, u vialikaj kolkaści pacyjentaŭ reštki RNK-virusa pry PCR-dyjahnostycy mohuć vydzialacca bolš za miesiac. Ale dośvied kitajskich i inšych navukoŭcaŭ pakazvaje, što heta niežyćciazdolny virus, jaki nie zdolny infikavać kahości jašče.
Usie daśledavańni pakazvajuć, što ŭdałosia vyłučyć i atrymać žyćciazdolny virus maksimum praz 12 dzion ad momantu źjaŭleńnia kliničnych simptomaŭ. Uličvajučy, što bieśsimptomnyja i lohkija formy ŭ Biełarusi typujucca (mnohija krainy bieśsimptomnyja formy naohuł nie ličać), to paŭstaje pytańnie ab tym, što najaŭnaść RNK-virusa nie śviedčyć ab zdolnaści zaražać», — patłumačyli pradstaŭniki viedamstva.
