Rasijskaja aktrysa Alaksandra Borcič padtrymała pikiet hrodziencaŭ
Rasijskaja aktrysa Alaksandra Borcič vystupiła ŭ padtrymku hrodziencaŭ, jakija pryjšli 31 maja na Savieckuju płošču padpisacca za kankurentaŭ Alaksandra Łukašenki. Videa i słovy padtrymki jana apublikavała ŭ storys na svajoj staroncy ŭ Instagram. Na heta źviartaje ŭvahu Hrodna.life.
«Ludzi, jaki šalony honar bačyć vašu siłu. Ja ŭ zachapleńni vielizarnym! Prašu vas, nie spyniajciesia, i my budziem volnyja!» — napisała Alaksandra Borcič.
U aktrysy biełaruskija karani. Jana naradziłasia ŭ Śvietłahorsku, ale paśla razvodu baćkoŭ pierajechała ŭ Hrodna, dzie jaje vychoŭvała babula da 10 hadoŭ. U toj čas maci Alaksandry žyła ŭ Maskvie, paśla jana zabrała dačku da siabie.
Borcič lubić Hrodna i čas ad času pryjazdžaje ŭ hety horad sustrakacca z babulaj i siabrami. Pra aktrysu zahavaryli ŭ Biełarusi paśla premjery rasijskaha filma «Vikinh» (2017), dzie Borcič ihrała rolu kniazioŭny Rahniedy.
