Rasijski virusołah: Budaŭničy reśpiratar lepšy za miedycynskuju masku
Budaŭničyja reśpiratary — najbolš efiektyŭny srodak abarony ad karanavirusa, zajaviŭ viadučy navukovy supracoŭnik centra epidemijałohii i mikrabijałohii imia Hamalei, urač-virusołah Viktar Łaryčaŭ u intervju govoritmoskva.ru.
«Jany jak raz, napeŭna, lepš filtrujuć, bo jany śpiecyjalna zroblenyja z takoha materyjału, jaki mienavita pył zatrymlivaje, pył, jaki mienšy, čym kropli. Miedycynskaja maska pył nie budzie zatrymlivać, a voś reśpiratar budzie zatrymlivać», — raspavioŭ jon.
Łaryčaŭ padkreśliŭ, što maski taksama efiektyŭnyja ŭ baraćbie z pašyreńniem virusa, bo jon raspaŭsiudžvajecca ŭ vyhladzie kropiel, jakija vylatajuć pry čchańni, kašli i razmovie, i maska zatrymlivaje hetuju vadkaść. U toj ža čas jon nahadaŭ, što reśpiratary ščylniej siadziać na tvary.
