Zapusk Crew Dragon mohuć pieranieści na 3 červienia: ale astranaŭty ŭžo ŭ karabli
Prezident ZŠA Donald Tramp paćvierdziŭ, što šaniec na toje, što zapusk karabla Crew Dragon kampanii SpaceX adbudziecca ŭ subotu, roŭny 50%. Pavodle jaho słoŭ, z-za drennaha nadvorja start mohuć pieranieści na sieradu, 3 červienia.
«Mnie zdajecca, ja abaviazany tam być [na kasmadromie ŭ Fłarydzie], heta vielmi chvalujučy [momant], niahledziačy na toje, što šancy prykładna 50 na 50, u advarotnym vypadku [zapusk] budzie adkładzieny da sierady, jak ja zrazumieŭ», — skazaŭ kiraŭnik Vašynhtonskaj administracyi žurnalistam pierad vyletam u štat Fłaryda.
Papiaredniaja sproba zapusku Crew Dragon da Mižnarodnaj kaśmičnaj stancyi (MKS), pryznačanaja na 27 maja, była skasavanaja niezadoŭha da startu praź niespryjalnyja ŭmovy nadvorja. Druhaja sproba zapłanavanaja na subotu. Da heta momantu astranaŭty NASA Dahłas Chierlen i Robiert Bienkien užo padnialisia na bort karabla. Start namiečany na 15:22 pa časie ŭschodniaha ŭźbiarežža ZŠA (22:22 pa Minsku), a stykoŭka z MKS — na 31 maja.
