Biełaruś u top-5 krain Jeŭropy z najbolšaj kolkaściu paćvierdžanych vypadkaŭ COVID-19 za apošnija 14 dzion
president.gov.by
Biełaruś uvajšła ŭ piaciorku krain Jeŭropy, dzie była zarehistravanaja najbolšaja sukupnaja kolkaść paćvierdžanych vypadkaŭ COVID-19 za apošnija 14 dzion. Pra heta paviedamiŭ kiraŭnik Jeŭrapiejskaha biuro SAAZ Chans Kluhie.
Pa słovach Kluhie, Biełaruś, Rasija, Vialikabrytanija, Turcyja i Italija stali krainami, u jakich za apošnija dva tydni zarehistravana samaja vialikaja kolkaść vypadkaŭ zaražeńnia COVID-19.
Z 15 maja pa 28 maja ŭ Biełarusi aficyjna zafiksavana 13 086 vypadkaŭ (za ŭvieś čas — 39 858), h.zn. za apošnija 14 dzion u siarednim 934 vypadki ŭ dzień. Pryčym z 6 maja kožny dzień fiksavałasia bolš za 900 vypadkaŭ, vyklučeńniem było 27 maja — 897.
Pa kolkaści zaražanych na 1 młn Biełaruś znachodzicca na 10-m miescy ŭ Jeŭropie (4218) z ulikam Andory, Vatykana, San-Maryna, Hibrałtara, Luksiemburha, Isłandyi. Z krain, što majuć bolš za 1 młn nasielnictva, napieradzie tolki Ispanija, Irłandyja, Bielhija.
Taksama varta adznačyć, što u bolšaści krain Jeŭropy karanavirus pajšoŭ na spad.
Zatoje ŭ nas vielmi nizkaja, pavodle Minzdaroŭja, śmiarotnaść.
