Biełstat: Amal 40% svaich srodkaŭ biełarusy traciać na charčavańnie
Dola raschodaŭ na charčavańnie ŭ biełaruskich chatnich haspadarkach składaje 39,2%, paviedamlaje Biełstat.
Biełstat pravioŭ vybaračnaje abśledavańnie ŭzroŭniu žyćcia chatnich haspadarak i vyśvietliŭ, što ŭ I kvartale 2020 hodzie abjom najaŭnych srodkaŭ biełaruskich siemjaŭ składaŭ 1 400,9 rubla ŭ miesiac, pryčym u haradach i pasiołkach — 1 495,1 rubla ŭ miesiac, a ŭ sielskaj miascovaści — 1 153,3 rubla ŭ miesiac.
Hrašovyja raschody na adnu chatniuju haspadarku raźličany ŭ pamiery 1 331,9 rubla ŭ miesiac, ź jakich 995,5 rubla, ci 74,7%, pryjšłosia na spažyvieckija vydatki.
Najbolšuju častku spažyvieckich vydatkaŭ u biełarusaŭ skłała charčavańnie (39,2%), na niecharčovyja tavary biełaruskija siemji tracili 31,7%, a na apłatu pasłuh syšło 26,3% ad ahulnaha abjomu vydatkaŭ.