Viktar Babaryka: My ździejśnili podźvih — sabrali 50 tysiač podpisaŭ za try dni
Imavierny kandydat u prezidenty Viktar Babaryka, jaki ciapier zajmajecca zboram podpisaŭ u svaju padtrymku, źviarnuŭsia da prychilnikaŭ.
U pryvatnaści, Babaryka padziakavaŭ usim ludziam, jakija na praciahu dvuch tydniaŭ «pracujuć za ideju, niedasypajuć i nie dajadajuć», siabraŭ svajoj inicyjatyŭnaj hrupy. «Vialiki vam dziakuj», — skazaŭ Babaryka.
«Vy ŭpisali jašče adnu vydatnuju staronku ŭ historyju Biełarusi, možna skazać, ździejśnili podźvih. Za try dni vy sabrali bolš za 50 tysiač podpisaŭ», — adznačyŭ palityk. Hetyja słovy byli sustretyja apładysmientami.
Ciapier kamanda pretendenta zapuskaje pikiety pa zbory podpisaŭ. «My zrabili hrupu nakštałt «Ubiera», kab vyličvać ludziej, što pobač z vami, kab chutka pryjazdžać i źbirać podpisy. Pakul heta budzie pracavać tolki ŭ Minsku, ale spadziajemsia raspaŭsiudzić i na inšyja harady».
Babaryka raić svaim prychilnikam, kali buduć niejkija prablemy z boku administracyi ci nieviadomych ludziej, prosta vyklikać milicyju.
