U Małaryckim rajonie 16-hadovy padletak vymahaŭ u niepaŭnaletniaj bieraściejki hrošy za jaje intymnyja foty
Letaś 17-hadovaja bieraściejka ŭ sacyjalnaj sietcy padzialiłasia z chłopcam svaimi napaŭaholenymi fotazdymkami. Jašče praź niekalki miesiacaŭ zdymki dasłali nazad. Zdymki dasłaŭ nieznajomiec, jaki zajaviŭ pra namier apublikavać fatahrafii, kali nie atrymaje 25 rubloŭ. Dla pieravodu hrošaj virtualny surazmoŭca skinuŭ numar karty, adnak liceistka płacić nie stała i źviarnułasia ŭ milicyju.
Šantažystam akazaŭsia 16-hadovy žychar Małaryckaha rajona, jaki rastłumačyŭ, što niesankcyjanavany dostup da staronki paciarpiełaj atrymaŭ jašče letaś i tady ž zapampavaŭ fatahrafii ź jaje pierapiski. Vyjavy chłopiec da niadaŭniaha času zachoŭvaŭ u siabie.
Padazravany zachaplajecca anłajn-hulniami, jakija patrabujuć hrašovych układańniaŭ. Kali jamu spatrebiłasia čarhovaja suma dla praciahu hulni, chłopiec vyrašyŭ skarystacca fatahrafijami i takim čynam zarabić.
Raspačali kryminalnuju spravu.
