U Stoŭbcach pjanaja paračka napała na dziaŭčynu-śledčaha i jaje kalehu-milicyjanta. Pryjšłosia vyklikać padmohu
Zdareńnie adbyłosia 24 maja. Ranicaj ŭ Staŭbcoŭski RAUS pastupiła zajava ad 26-hadovaj žančyny: minułaj nočču ŭ kvatery znajomych joj ŭviali nieviadomaje rečyva i zhvałcili. Kab razabracca ŭ situacyi, na miesca zdareńnia vyjechali dziaŭčyna-śledčy i apierupaŭnavažany, paviedamlaje aficyjny pradstaŭnik MUS Volha Čamadanava ŭ svaim telehram-kanale.
Pravaachoŭnikaŭ sustreli 36-hadovaja haspadynia kvatery i jaje 45-hadovy hość (abodva nieadnarazova sudzimyja, u tym liku za ciažkija złačynstvy).
Vizualna i mužčyna, i žančyna znachodzilisia ŭ stanie apjanieńnia, pradjaŭlali pretenzii i pieraškadžali rabotnikam milicyi vykonvać słužbovyja abaviazki, pahražali źbić ich. U vyniku žančyna vyrvała z ruk dziaŭčyny-śledčaha i parvała pastanovu na ahlad žylla, a na milicyjanta napaŭ mužčyna. U sutyčcy apošni adarvaŭ pahon i nanios apieratyŭniku niekalki udaraŭ rukami i nahami, u tym liku pa hałavie.
Na miesca prybyła padmoha. Kali mužčynu zatrymali, haspadynia kvatery schapiła nož i stała pahražać im, na jaje taksama nadzieli kajdanki.
Padazravanyja znachodziacca ŭ IČU. Ich dziejańniam śledčymi dadziena pravavaja acenka — raspačatyja kryminalnyja spravy za hvałt i pahrozu prymianieńnia hvałtu ŭ dačynieńni da supracoŭnika orhanaŭ unutranych spraŭ.