Zakryta kryminalnaja sprava suprać «Piataha elemienta»
Praz adsutnaść składu złačynstva zakrytaja kryminalnaja sprava ŭ dačynieńni da ZAT «Patyjo» (ułaśnik brenda «Piaty elemient»). Kiraŭnictvu kampanii inkryminavali sprobu sychodu ad padatkaŭ.
Pra heta sa spasyłkaj na ŭłasnyja krynicy paviedamlaje telehram-kanał HARBACEVIČ.
Nahadajem, Śledčy kamitet pryjšoŭ z vobšukam u hałoŭny ofis «Piataha elemienta» u červieni 2019 hoda.
Čytajcie taksama: Siłaviki pryjšli ŭ «5 elemient»
Abaznanyja krynicy adznačajuć, što sprava mahła być źviazanaja sa starymi rachunkami biznesmiena Jaŭhiena Navasialeckaha, jaki zahinuŭ u studzieni 2019 hoda ŭ aŭtaavaryi.
Maŭlaŭ, Navasialecki nie vielmi pryhoža abyšoŭsia ź niekatorymi ŭpłyvovymi finansavymi partniorami, a jany paśla jaho śmierci sprabavali viarnuć hrošy ad blizkich jamu biznes-struktur.
Adnoj z takich kampanij i było «Patyjo», padkantrolnaje miljanieru Andreju Bałabinu.
Bałabin na čas raźbiralnictva źjechaŭ u emihracyju.
