Łukašenka pra apanientaŭ na vybarach: My nie vyskačyli z-pad plintusa, jak mnohija
Pra heta zajaviŭ siońnia Łukašenka na naradzie z Kačanavaj, Sierhiejenkam, Ordaj i Šejmanam, piša BiełTA.
«My pavinny arhanizavać hetyja vybary dastojna. Nie tamu, što ja chaču takim puchnatym vyhladać. Sprava ŭ tym, što nam nie treba drenna arhanizoŭvać vybary. Ludzi nas bačać pastajanna. My nie vyskačyli z-pad plintusa niečakana, jak mnohija. Niedzie byli — bach, ciapier pavyłazili ŭsie i abiacajuć ź viertalota pa Biełarusi raskidvać hrošy», — skazaŭ kiraŭnik dziaržavy.
«My heta prachodzili. Hrošy treba ŭ Biełarusi zarablać najciažkaj pracaj, inšaha nie dadziena. Bolš budzieš pracavać — bolš zarobiš. Ź viertalota nichto nie skinie», — padkreśliŭ Alaksandr Łukašenka.
Havoračy pra praces zboru podpisaŭ, Łukašenka adznačyŭ, što kolkaść kandydataŭ zaležyć tolki ad samich hramadzian. «Navat kali ŭsie 15 buduć kandydatami, nu i što, ludzi tak vyrašyli. A na vybarach usie vyznačacca, za kaho hałasavać, jak hałasavać», — adznačyŭ biełaruski lidar.
