Łukašenka raskazaŭ, što za jaho ŭžo sabrali 200 tysiač podpisaŭ. «Ale spyniacca nie treba»
Alaksandr Łukašenka zajaviŭ, što ŭ jaho padtrymku ŭžo sabrana 200 tysiač podpisaŭ.
«Nakolki ja viedaju, 15 hrup źbirajuć podpisy, — skazaŭ Alaksandr Łukašenka na sustrečy z kiraŭnikom Administracyi prezidenta Ihara Sierhiejenkam i staršynioj Savieta Respubliki Natallaj Kačanavaj. —
Na siońnia, mianie infarmujuć, u pryncypie my podpisaŭ sabrali dastatkovuju kolkaść — pad 200 tysiač. Ale spyniacca nie treba».
«My zdajom ekzamien. Ekzamien narodu. I nie tolki ja. Ale ŭsie my, usia dziaržaŭnaja sistema ŭłady. I my pavinny pakazać svaju zdolnaść kiravać dziaržavaj. Ludzi pavinny zrabić adpaviednyja vysnovy», — skazaŭ jon.
Alaksandr Łukašenka padkreśliŭ, što stavić podpis ci nie — heta prava kožnaha čałavieka. I ŭ hetym płanie niedapuščalny jaki-niebudź cisk na ludziej
«Hałoŭny moj ispyt — heta kiravać krainaj, i kab ludzi bačyli, što jość prezident u krainie. Nielha nam adciahvacca na mitynhi i roznaha rodu zajavy — hvałt niejki. U nas niama času na heta».
