U lipieni zakryjuć na ramont most na pierakryžavańni praśpiekta Pieramožcaŭ z Arłoŭskaj
Padrychtoŭčyja pracy pačnucca ŭ druhoj pałovie červienia, paviedamlajuć «Minsk-naviny».
Prosta adramantavać belki niemahčyma — nieabchodna ich całkam mianiać. Takija pracy zapatrabujuć zakryćcia ruchu jak pa samim puciepravodzie, tak i pad im na ŭčastku pr. Pieramožcaŭ.
Z ranicy 6 lipienia płanujecca źmianić schiemu ruchu i prystupić da niepasrednaha ramontu. Pa puciepravodzie i pad im prajechać nie atrymajecca. Transpart puściać pa pravapavarotnym źjeździe raźviazki, dalej patoki buduć rehulavacca časovymi śviatłaforami. Pryčym pa vuł. Arłoŭskaj zmohuć ruchacca usie vidy transpartu, pa pr. Pieramožcaŭ ruch praz raźviazku arhanizujuć dla hramadskaha i śpiecyjalnaha transpartu, zvyčajnyja mašyny zahadzia pieranakiravać na vuł. Cimirazieva praz vuł. Sapioraŭ, Naračanskuju, Viasiołkavuju.
Ramont budzie vieścisia kruhłasutačna vialikaj kolkaściu rabočych. Zaviaršyć jaho płanujecca ŭ listapadzie. U vyniku abnaŭleńnia ŭsia kanstrukcyja stanie vytrymlivać sučasnuju nahruzku.
