Čarha pastavić podpis za Cichanoŭskuju raściahnułasia na 500 mietraŭ FOTAFAKT
Tysiačy ludziej pabyvali 24 maja ŭ Minsku na pieradvybarčym pikiecie Śviatłany Cichanoŭskaj i Uładzimira Niapomniaščych — kandydataŭ pratestu. Čarha, kab pastavić podpis za Śviatłanu Cichanoŭskuju, raściahnułasia na 500 mietraŭ — ad uvachodu ŭ Kamaroŭski rynak za Dom mebli, pa vulicy Charužaj.
Śviatłana Cichanoŭskaja — žonka samaha papularnaha biełaruskaha videabłohiera Siarhieja Cichanoŭskaha. Kali jaho aryštavali na 15 sutak, kab nie dać mahčymaści padać dakumienty ŭ jakaści kandydata, svaju kandydaturu vyłučyła jana.
Vybarščyki byli ŭ maskach, Siarhieja Cichanoŭskaha ludzi ŭ čarzie sustrakali apładysmientami.
Karespandent «Našaj Nivy» paličyŭ ludziej u čarzie pa hałavach pa stanie na 12.30. Ich było 428.
Paźniej čarha vyciahnułasia na 500 mietraŭ, amal da ŭvachodu ŭ mietro.