U Babrujsku znajšli jašče adzin artefakt — siaredniaviečny mieč
komkur.info
U Babrujsku na bierazie Biareziny znojdzieny ŭnikalny artefakt — mieč, jaki moža być datavany siaredzinaj CHIII stahodździa.
Dakładnaje miesca vyjaŭleńnia navukoŭcy nie nazyvajuć, kab vyklučyć lichamanku čornych kapalnikaŭ, paviedamlaje telekanał «Biełaruś-1». Znojdzieny mieč rarytetny, heta vialiki pośpiech. Jaho znajšoŭ u ziamli miascovy žychar i pieradaŭ rabotnikam krajaznaŭčaha muzieja. Na dumku historykaŭ, zbroja adnosicca da siaredziny XIII stahodździa i mahła naležać statutnaj asobie taho času. Pakul jaho apuścili ŭ dystylavanuju vadu, kab pazbavicca ad lišnich solej i nalotu. Dalej ža mieč čakaje hłybokaje vyvučeńnie.
Historyk Mikałaj Siłkoŭ kaža: «Sam pa sabie mieč — heta statutnaja znachodka, plus jon maje ślady pakryćciaŭ uzorami z kaštoŭnych mietałaŭ. Heta nie prosta reč apałčeńnia. I havoryć pra toje, što ŭ navakollach Babrujska isnavała elita fieadalnaha hramadstva. Jak jon tut źjaviŭsia — zastajucca tolki zdahadki. Zaraz idzie raźviedka miesca, dzie jon byŭ znojdzieny. Chutka my pačniom paŭnavartasnyja archieałahičnyja raskopki».
Viarnuŭsia z restaŭracyi pazałočany bajavy šlem, jaki nazvali siensacyjaj i paraŭnali pa značnaści dla historyi z «Šapkaj Manamacha». Na dumku ekśpiertaŭ, jon moh naležać Iziasłavu Połackamu — synu kijeŭskaha kniazia Uładzimira i połackaj kniazioŭny Rahniedy. U śviecie znojdziena kala dvuch dziasiatkaŭ takich šlemaŭ. Ale biełaruski zachavaŭsia amal idealna. Na restaŭracyju spatrebiŭsia hod. U Babrujskim krajaznaŭčym muziei ŭžo rychtujuć pad artefakt asablivaje miesca ŭ ekspazicyi. Šyrokaj publicy šlem prezientujuć uletku.