Rabotniki ŭstanoŭ sacabsłuhoŭvańnia zmohuć atrymać nadbaŭku za pracu va ŭmovach karanavirusa
Rabotnikam ustanoŭ sacabsłuhoŭvańnia buduć davać nadbaŭku za pracu va ŭmovach epidemijałahičnaj situacyi. Heta praduhledžana ŭkazam «Ab materyjalnym stymulavańni rabotnikaŭ arhanizacyj, jakija akazvajuć sacyjalnyja pasłuhi», jaki padpisaŭ Łukašenka, paviedamlaje BiełTA.
Ukazam praduhledžana ŭstanaŭleńnie nadbaŭki rabotnikam dziaržaŭnych ustanoŭ sacyjalnaha absłuhoŭvańnia, jakija pracujuć z pacyjentami ź infiekcyjnymi zachvorvańniami i asobami, adniesienymi da kantaktaŭ pieršaha ŭzroŭniu, jakija pa miedycynskich pakazčykach nie źmieščanyja va ŭstanovy achovy zdaroŭja, pry pracy vachtavym mietadam.
Hetaja nadbaŭka ŭstanaŭlivajecca dyfierencyravana ŭ zaležnaści ad katehoryi rabotnikaŭ i stupieni ich kantaktu ź inficyravanymi.
Pry vyjaŭleńni ŭ arhanizacyjach vypadkaŭ infiekcyj i kantaktaŭ ź inficyravanymi, a taksama asobami, adniesienymi da kantaktaŭ pieršaha ŭzroŭniu, nadbaŭka lekaram-śpiecyjalistam składzie 1,5 tysiačy, miedrabotnikam ź siaredniaj śpiecyjalnaj miedycynskaj adukacyjaj — 1,3 tysiačy, inšym rabotnikam — 900 rubloŭ.
Pry adsutnaści vyjaŭlenych u arhanizacyjach vypadkaŭ infiekcyj i (abo) asob, jakija adniesieny da kantaktaŭ pieršaha ŭzroŭniu, adpaviednyja nadbaŭki składuć: daktaram-śpiecyjalistam — 500 rubloŭ, miedrabotnikam ź siaredniaj śpiecyjalnaj miedycynskaj adukacyjaj — 400 rubloŭ, inšym rabotnikam — 250 rubloŭ.