Saŭmin vyznačyŭ 77 kampanij, jakim buduć paskorana viartać PDV
Fota Nadziei Bužan
Urad vyznačyŭ 77 kampanij, jakim buduć paskorana viartać PDV. Adpaviednaja pastanova Saŭmina ad 14 maja 2020 hoda №282 aficyjna apublikavana na Nacyjanalnym pravavym internet-partale, paviedamlaje BIEŁTA.
Dakumient pryniaty dla realizacyi ŭkaza ad 24 krasavika 2020 hoda №143 «Ab padtrymcy ekanomiki». Płacielščykam, uklučanym u śpis, zalik roźnicy pamiž sumaj padatkovych vylikaŭ i ahulnaj sumaj PDV, vyličanaj pa realizacyi tavaraŭ (rabot, pasłuh), majomasnych pravoŭ, ažyćciaŭlajecca na praciahu 10 pracoŭnych dzion z dnia pryniaćcia padatkovym orhanam rašeńnia ab viartańni (poŭnaj abo častkovaj admovie ŭ viartańni) takoj roźnicy.
U pieralik uvajšli ZAT «Atłant», Minski małočny zavod №1, Biełaruskaja čyhunka, «Kamunarka», AAT «Amkador» — kirujučaja kampanija chołdynha», AAT «MMZ imia S. I. Vaviłava — kirujučaja kampanija chołdynha «BiełOMA», MTZ, MAZ, Minski matorny zavod, Brescki miasakambinat, «Savuškin pradukt», «Homieltransnafta Družba», «Biełavija», «Lekfarm», BiełAZ i inšyja kampanii.
Pastanova ŭstupaje ŭ siłu paśla jaje aficyjnaha apublikavańnia.
