Kala 100 pacyjentaŭ z karanavirusam atrymali donarskuju płazmu
Kala 100 chvorych na COVID-19 stali recypijentami donarskaj płazmy. U prykładna pałovy ź ich nazirajecca stanoŭčaja dynamika paśla ŭkaranieńnia takoha mietadu lačeńnia. Pra heta paviedamiŭ u efiry STB dyrektar RNPC transfuzijałohii i miedycynskich bijatechnałohij Fiodar Karpienka.
Pa słovach kiraŭnika RNPC, u 50 pacyjentaŭ nazirajecca stanoŭčaja dynamika, siarod ich i tyja, chto ačuniaŭ. Pry hetym donarskuju płazmu imknucca vykarystać čaściej za ŭsio dla najbolš ciažkich pacyjentaŭ. Ich svajaki pavinny mieć na ŭvazie, što rašeńnie ab nieabchodnaści pieralivańnia prymaje doktar, tamu ŭ niekatorych vypadkach im varta admovicca ad idei pošuku donara praz sacyjalnyja sietki, asabliva za hrošy.
«My natchnionyja, što vielmi šmat stanoŭčych efiektaŭ. Heta stymuluje nas, sapraŭdy natchniaje na dalejšuju pracu, na razmovy, pošuk i ahitacyju za hetuju technałohiju», — skazaŭ Karpienka.
