«Kraina z vysokaj ryzykaj karanavirusa». Estonija zabaraniła paloty ŭ Biełaruś
Siońnia ministr ekanomiki i infrastruktury Estonii padpisaŭ rasparadžeńnie, zhodna ź jakim ad zaŭtra nielha lotać z Estonii ŭ krainy z vysokaj ryzykaj karanavirusa, takija jak Vialikabrytanija, Šviecyja, Bielhija, Danija, Turcyja, Biełaruś i Rasija, paviedamlaje Postimees.
Ministerstva štodnia analizuje epidemijałahičnuju situacyju ŭ krainach pryznačeńnia i adkryvaje maršruty abo abmiažoŭvaje ich adkryćcio ŭ adpaviednaści z raspaŭsiudžvańniem virusa.
Abmiežavańnie krain pryznačeńnia, ustanoŭlenaje siońnia estonskim ministram, budzie dziejničać z 18 maja pa 7 červienia, paśla čaho Ministerstva ekanomiki i kamunikacyj u supracoŭnictvie z Departamientam zdaroŭja aceniać dalejšuju nieabchodnaść abmiežavańnia.
Jak vyklučeńnie abmiežavańnie pamiž Minskam i Talinam dziejničaje ad 24 maja, bo čakajecca, što ludzi viernucca dadomu praź Minsk da 23 maja.