Pamierła lubimaja fatohrafka bitłoŭ Astryd Kirchhier

Niamieckaja mastačka i fatohrafka Astryd Kirchhier pamierła ŭ Hamburhu za dzień da svajho 82-hodździa, paviedamlaje DW sa spasyłkaj na jaje siabra. Heta adbyłosia ŭ minuły aŭtorak.

Kirchhier prasłaviłasia jak fatohraf hurta The Beatles, jana siabravała z muzykami z samaha pačatku ich karjery, paznajomiŭšysia ŭ 1960 hodzie jašče ź ich pieršym składam.

Jana navat była zaručana z pamierłym u 21 hod bas-hitarystam ź pieršaha składu hurta Ściuartam Satklifam i była dyzajnieram vokładki debiutnaha alboma Džordža Charysana Wonderwall Music.

Paśla śmierci Satklifa jana praciahvała siabravać z muzykami i fatahrafavała ich usie šaścidziasiatyja. U apošnija hady jana pracavała stylistam i dyzajnieram interjeraŭ u Hamburhu i adkryła tam kramu fatahrafij.

«Błasłavi Boh Astryd, vydatnaha čałavieka i fatohrafa», — napisaŭ u svaim tvitary Rynha Star.

God bless Astrid a beautiful human being And she took great photos peace and love ✌️❤️☮️ pic.twitter.com/fGXqDbz5bW

— #RingoStarr (@ringostarrmusic) May 15, 2020

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

1