Estonija zajaviła pra pieramohu nad karanavirusam
Tanielu Kijku ŭsiaho 31 hod, fota Madis Veltman, Delfi
Ministr sacyjalnych spraŭ Estonii Tanieł Kijk zajaviŭ, što krainie ŭdałosia atrymać pieramohu nad raspaŭsiudžvańniem karanavirusnaj infiekcyi. Pra heta paviedamlaje ERR.
Pavodle jaho słoŭ, ciapier Estonija sutykajecca tolki z druhasnymi chvalami, nievialikimi łakalnymi ačahami infiekcyi.
«Kali hladzieć na indykatary Suśvietnaj arhanizacyi achovy zdaroŭja, to epidemičnaha raspaŭsiudžvańnia na terytoryi Estonii ciapier niama», — padkreśliŭ ministr.
Na dumku Kijka, hetaha ŭdałosia damahčysia dziakujučy efiektyŭnamu i svoječasovamu karancinu. Ministr pierakanany, što bieź jaho karanavirusam zaraziłasia b nie mienš za 20 tysiač čałaviek i nie mienš tysiačy pamierli b.
Raniej ułady krain Bałtyi damovilisia ab adkryćci ŭnutranych miežaŭ z 15 maja. Tyja, chto pryjechaŭ ź inšych dziaržaŭ paśla adkryćcia ŭnutranych miežaŭ, buduć abaviazanyja ciaham 14 dzion vykonvać karancin. Takoje ž patrabavańnie pradjaviać da hramadzian bałtyjskich respublik, jakija viarnulisia ź inšych krain.
Pavodle apošnich źviestak, u Estonii zafiksavana 1758 vypadkaŭ zaražeńnia karanavirusam, pry hetym za apošnija sutki vyjaŭleny tolki adzin novy infikavany. Za ŭvieś čas epidemii pamierli 62 pacyjenty.
