15 maja — apošni dzień padačy zajaŭ ad inicyjatyŭnych hrup kandydataŭ u prezidenty
U Biełarusi 15 maja zaviaršajecca padača zajaŭ ab rehistracyi inicyjatyŭnych hrup hramadzian pa vyłučeńni kandydataŭ u prezidenty, paviedamlaje BiełTA.
U składzie inicyjatyŭnaj hrupy pavinna być nie mienš za 100 čałaviek. CVK razhladaje pytańnie ab jaje rehistracyi ŭ piacidzionny termin z dnia pastupleńnia dakumientaŭ.
Zarehistravanaja hrupa zmoža źbirać podpisy ŭ padtrymku vyłučeńnia svajho kandydata z 21 maja pa 19 červienia. Z ulikam epidemijałahičnaj situacyi zborščyki pavinny być u miedycynskich maskach i palčatkach.
Dla taho kab vyłučycca kandydatam u prezidenty, treba sabrać nie mienš za 100 tys. podpisaŭ vybarščykaŭ.
Jak paviedamlałasia, Pałata pradstaŭnikoŭ pryznačyła prezidenckija vybary na 9 žniŭnia. Pa kalandarnym płanie vyłučeńnie kandydataŭ projdzie z 20 červienia pa 4 lipienia, Rehistracyja — z 5 pa 14 lipienia. Paśla hetaha pačynajecca pieryjad pieradvybarnaj ahitacyi. Daterminovaje hałasavańnie na vybarach adbudziecca z 4 pa 8 žniŭnia. Vyniki vybaraŭ Centravybarkam pavinien padvieści nie paźniej za 19 žniŭnia. Druhi tur, kali ŭ im budzie nieabchodnaść, pa płanie pavinien prajści 23 žniŭnia.