Žychar Stolinskaha rajona paviesiŭ na drevie dvuch sabak, jakija zadušyli jaho aviečku
Fiermier ź vioski Stolinskaha rajona paviesiŭ na drevie dvuch sabak, jakija zadušyli jaho aviečku. U akaličnaściach zdareńnia raźbirajecca milicyja, piša Tut.by.
Incydent adbyŭsia 3 maja ŭ vioscy Tałmačava. Miascovy fiermier vyvieŭ na vypas aviečak i syšoŭ dadomu. Praź niekatory čas jamu patelefanavali znajomyja i paviedamili, što ataru haniajuć sabaki. Fiermier prybieh na pole i vyjaviŭ, što adnu aviečku zadušyli. Pobač biehali dva sabaki, adzin ź jakich naležaŭ jaho susiedu. Fiermier pryjšoŭ da haspadara sabaki pahavaryć, ale paluboŭna vyrašyć pytańnie nie ŭdałosia.
Tady mužčyna zadušyŭ dvuch sabak i paviesiŭ ich na drevie.
Nazaŭtra fiermier iznoŭ pryjšoŭ da haspadara zabitaha sabaki i zapatrabavaŭ kampiensacyju za zadušanuju aviečku. Toj pakryvać škodu admoviŭsia i źviarnuŭsia ŭ milicyju.
— Stolinskim RAUS pravodzicca pravierka pa fakcie žorstkaha abychodžańnia z žyviołami, — paviedamiła aficyjny pradstaŭnik UUS Bresckaha abłvykankama Natalla Sacharčuk.