U Minsku adnahadovaja dziaŭčynka ledź nie vypała z akna, pakul pjanyja baćki spali. Raspačali kryminalnuju spravu
Staličnyja śledčyja vyśviatlajuć abstaviny pakidańnia ŭ niebiaśpiecy adnahadovaj dziaŭčynki, Frunzienski rajonny adździeł Śledčaha kamiteta raspačaŭ kryminalnuju spravu ŭ dačynieńni da 31-hadovaj žančyny i 35-hadovaha mužčyny.
Uviečary 11 maja ŭ milicyju pastupiła paviedamleńnie ab tym, što na vystupie fasada adnaho z damoŭ na vulicy Adojeŭskaha ŭ Minsku staić maleńkaje dzicia i trymajecca za ramu. Miascovyja žychary stali raściahvać pled i kidać paduški na ziamlu, kab vyratavać dziaŭčynku. U hety čas adzin sa śviedkaŭ vyrašyŭ padniacca ŭ kvateru, z akna jakoj vybrałasia dziaŭčynka. Jon hrukaŭ u vachodnyja dźviery, jakija tolki praź niekatory čas adčyniŭ mužčyna. Pjanyja baćki dziaŭčynki ŭ hety čas spali, a 58-hadovy mužčyna akazaŭsia siabram siamji, ź jakim na praciahu dnia jany raśpivali śpirtnyja napoi. Śviedka, jaki ŭvajšoŭ u kvateru, raskazaŭ mužčynu pra dziaŭčynku. Toj padyšoŭ da akna i zabraŭ dzicia.
Zaraz dziaŭčynku razam z 10-hadovaj siastroj pieradali babuli.
Baćkoŭ dziaŭčynki zatrymali.
Rasśledavańnie kryminalnaj spravy praciahvajecca.