U błohiera Siarhieja Piatruchina, jaki pravioŭ u izalatary piać sutak, taksama karanavirus
U špitalizavanaha ŭviečary 11 maja błohiera Siarhieja Piatruchina paćvierdziŭsia karanavirus. Jak raspavioŭ «BH» Piatruchin, jon daviedaŭsia pra heta ranicaj 14 maja ad doktara.
Piatruchin kaža, što adčuvaje siabie narmalna: pnieŭmaniju ŭ jaho nie vyjavili, tempieratura, jakaja była ŭ jaho padčas znachodžańnia ŭ izalatary časovaha ŭtrymańnia (IČU), bolš nie padymałasia. Mahčyma, heta źviazana z tym, što jamu dajuć antybijotyk.
«Ja lažu ŭ pałacie na čaćviarych, u traich maich susiedziaŭ pnieŭmanii i karanavirus, stan u ich u cełym narmalny, ale horšy, čym u mianie. Tamu mnie skazali, što, chutčej za ŭsio, mianie pieraviaduć u tubdyspansier ci ŭvohule adpraviać dadomu na samaizalacyju, kab vyzvalić miesca dla tych, kamu jano bolš patrebnaje», — raspavioŭ Piatruchin.
