Što zdaryłasia z asabistym fatohrafam Alaksandra Łukašenki?
Alaksandra Łukašenku ŭ pajezdkach supravadžajuć žurnalisty dziaržaŭnych haziet i telekanałaŭ. Ale jość i piersanalny fatohraf. Šmat hadoŭ na hetaj pasadzie pracuje Andrej Stasievič.
Andrej Stasievič pamiž Alaksandram Łukašenkam i Uładzimiram Pucinym. fota Rrfi.fr
Apošnim časam fatohraf źnik z radaraŭ. Akazałasia, Stasievič u balnicy ŭžo amal miesiac: pnieŭmanija i stanoŭčy test na karanavirus.
«Jamu stała kiepska niedzie na Vialikdzień. Z prezidentam u manastyr jon nie jeździŭ, zdajecca, ale pracavaŭ niedzie ŭ Minsku. Viarnuŭsia ŭviečary dadomu — i stała kiepska, tempieratura źjaviłasia, — raspavioŭ «Našaj Nivie» syn Stasieviča. — Baćku špitalizavali, dyjahnastavali dvuchbakovuju pnieŭmaniju. Stan bolš-mienš, na ščaście, na vientylacyi lohkich nie lažyć, ale lečycca ŭžo čatyry tydni».
Pa słovach syna, u Stasieviča znajšli karanavirus.
«Nie viedaju, dzie jon moh zachvareć. Jon amal uvieś čas byŭ na pracy, pierad chvarobaj pastajanna ŭ pajezdkach. Moža, padčas niejkaj kamandziroŭki», — kaža syn.
Siamju fatohrafa taksama pravieryli na «karonu», nichto ź ich nie zachvareŭ.